Muqdisho, (insidesomalia.org)- Xoogaga ka soo horjeeda Dowladda Federalka KMG ah ee Soomaaliya ayaa Xalay weerar xoogan ku qaaday goob lagu caweyo oo ay ku tumanayeen dhalinyaro isugu jira rag iyo dumar.

Inta la'ogyahay labo qof oo rayid ah ayaa ku dhaawactey, kadib markii Xoogaga ka soo horjeeda siyaasada Dowladda ay weerar ku qaadeen dhalinyarada isugujirtey raga iyo dumarka oo kucaweynayey tuulada Ceel geele oo hoos tagta Degamada Balcad ee Gobolka Shabelaha dhexe.

Wararka ayaa waxay intaasi kudarayaan in Xoogaga weeraray Goobta lagu caweynayey ay maqleen shnqarta Caweyeska, iyadoo la sheegay in iyagoo gadiid wada ay halkaasi ugu dageen kadibna ay ku leexdeen halkii uu caweyska ka dhacayay, waxayna raasaas ay fureen ku dhaawacmey labo qof oo rayid ah.

Labada ruux ee dhaawacmay ayaa waxaa ay kala ahaayeen wiil iyo Gabar kamid ah kuwii Caweynayey, waxaana dhaawacooda loo qaaday gudaha Degmada Balcad ee Gobolka Shabelaha dhexe iyadoo dhalinyadradii kale ay halkaasi isaga carareen, kuwaasi oo qaar la sheegayo in ilaa iyo haatan ay maqan yihiin sida dadka deeganka ay u sheegeen Idaacada lokalka ah

Lama oga sababta dhabta ah ee ka danbeysa weerarka ay ku qaadeen Xoogaga ka soo horjeeda Dowalada goobtaasi, balse waxaa la sheegayaa in dhaq dhaaqyo burcad ay kula dagaalamyeen ay halkaasi ka wadeen.

Goobaha weerarka lagu qaaday ayaa waxaa ay tahay goob ay inta badan ku caweeyaan dhalinyarada,waxaa inta badan halkaasi lugu tumaa ciyaarta Hidaha iyo dhaqanka, taasi oo marka aad wadada maraysid shanqarteeda si wayn looga Maqlayo wadada hareeraheeda,waxaana la'ogayn sababta kadanbeysa in rasaas ooda looga qaado dadka halkaasi ku caweynayay wallow ay Xoogag kasoo horjeeda ay marar badan halkaasi howl galo ay ka sameyn jireen iyadoo ay hareer socotay ciyraaha hidaha iyo dhaqanka.